” Sufism is not a fashion statement but a serious quest for union with God “
Posts Tagged ‘islam’
What Is Sufism ?
January 15th, 2013, posted in Sufism
Person Of The Year By Time- The Protester
December 15th, 2012, posted in Ink On PAPER, PAKiSTAN
I saw this on someone’s blog page yesterday and it really struck me, so I decided to share it on here. To use an image of, what looks like, a Muslim woman wearing a face covering as a symbol of freedom and struggle against oppression, is certainly in this political climate something very extraordinary. I picked up a copy this evening to find the cover was designed by Ai WeiWei who was one of the other candidates shortlisted for Time’s annual accolade. Even the Muslim working at the till of WhSmith was taken in by it.
As a Muslim blogger it certainly may seem a strange thing that throughout 2011 I haven’t commented on the so-called Arab Spring at all. Personally I feel Islam is not a political religion so to speak, and what has happened in the Middle East has very little to do with it. I’m also very apprehensive as to whether toppling a dictatorial regime, even if it is from the inside, will actually lead to a better government. I suppose it’s the Pakistani within me somewhere, who has seen the results of a nation being ‘liberated’ in the name of faith. Even now we are still seeing unrest in Egypt and the struggle of freedom for Egyptians still goes on. And whether democracy actually equals freedom, I’m not so sure. Though our western politicians and secular philosophers may see saying that as humanist blasphemy, again the Pakistani in me has Zardari to support him. (Who would have thought he’d ever be useful for anything).
Time’s end of year issue, as you would expect, is an excellent summary of the year’s major protests and revolutions. I bought it mainly for the cover, but after reading an issue of Time after nearly 15 years I may pick it up more often.
Hadees-e-Nabvi
December 14th, 2012, posted in Saying Of Holy Prophet ( P.B.U.H)
1.Rasule Khuda (SAWW)Jo koi Subhanallah kahega Allah uske liye Jannat me har tarah ke fal (fruit) wale 10 darakht lagayega.
Source : Uddatud Dai
2. Rasule Khuda (SAWW)Jo koi sone se pehle Sure Takaasur (sura no. 102) ki tilawat karega, wokabr ki takleef se mehfooz rahega.
Source : Uddatud Dai
3. Rasule Khuda (SAWW)Allah ke 99 naam hai, jo koi usay in namo’n se pukarega uski Dua mustajab hogi aur jo koi inhe yaad karega wo Jannat me daakhil hoga.
Source : Uddatud Dai
4. Rasule Khuda (SAWW)Jo koi kabrastan me daakhil hokar Sure Yasin padhta hai, Allah wahan k sab marhumin par us din azaab kam karta hai, aur us shaks k liye wahandafan marhumin ki ginti k barabar hasnaat likhe jayege.
Source : Uddatud Dai (Hadees 375)
5. Rasule Khuda (SAWW)Jo shakhs is duniya me bade maze ke saath behuda baatein aur gaali galoch karta hai, jahannum mein uske mooh se puss aur khoon bahega.
Source : Greater Sins 1 (Qazaf)
6. Rasule Khuda (SAWW)Agar aap MUSTAHAB namaz padh rahe ho aur agar aap ke waalid (baap) aap ko bulate hai to namaz mat todo; magar aap ki MAA agar bulati hai to namaz tod do.
Source : Greater Sins 1 (Aaq-e-Waledain)
7. Rasule Khuda (SAWW)Wo jo kisi jaadugar, ojha, kaazib ke paas jaata hai aur uske kahe ko sach qaraar deta hai, wo Allah ki sab kitabo’n ki nazar me KAAFIR ho gaya.
Source : Greater Sins 2 (Sorcery)
8. Rasule Khuda (SAWW)Kisi shaadi-shuda ki 2-rakat namaz, ek gair shaadi-shuda ki raat bhar ki ibaadat aur 1 din ke roze se behtar hai.
Source : shiarightpath.quran (24:32)
9. Rasule Khuda (SAWW)Apni namaz ke baad 30 baar kaho: Subhanallahi Walhamdulillahi Wa Laailaaha Illallahu Wallahu Akbar…ye alfaaz aadmi ko dukh se, deewar ke girne se, aag se, paani me doobne se, junglee janwar ke humle se, kharab maut se aur din me aasman se naazil honewali balaa se mehfooz rakhte hai.
Source : Uddatud Dai
10. Rasule Khuda (SAWW)Wo muslim jo haisiyat ke bawajood, qarz chukane me DERI karta hai, usne tamaam muslimo’n par ZULM kiya.
Source : Greater Sins II
11.Rasule Khuda (SAWW) Jo muslim subh sadiq se suraj nikalne tak apne musalle par baitha rehta hai (Ibaadat & Tilawat karta hai) Allah ose jahannam ki aag se bachaega.
Source : Children’s Guide to Islam
12. Rasule Khuda (SAWW) Jab tak momin 5 waqt ki namaz ko pabandi e waqt se padhta hai to shaitan us say khauf-zada rehta hai. (Wasael us Shia)
Source : Jadeed Fiqhi Masael (Ayatullah Seestani)
13. Rasule Khuda (SAWW) Roze qayamat Khuda k nazdeek sabse azeem manzilat us shakhs ki hogi jo rooye zameen par logo’n ko sabse ziyada nasihat karta raha hai.
Source : Wasiyyatnama (Ayatullah Mamkani)
14. Rasule Khuda (SAWW) Jawani ko budhape se pehle, sahet ko bimari se pehle, fursat ko masrufiat se pehle, taakat ko kamzori se pehle & zindagi ko maut se pehle Ganimat samjho (aur uska faydaa uthao)
Source : Wasiyyatnama (Ayatullah Mamkani)
15. Rasule Khuda (SAWW) Muslim wo hai ke jiske haath aur zabaan se musalman salamat hai.
Source : Children’s Guide to Islam
16. Rasule Khuda (SAWW)Ya ALi(a.s) Main Tum, Tumharey Dono Farzand Hassan(a.s) Hussain(a.s) Or AuLad.E.Hussain Ke 9 Farzand(a.s) Deen K Arkan Or IsLam K Saton Hain, Jo Hmara Itbaa Kry Ga Nijat Paye Ga, Jo Hum Se Alag Ho Ga Is Ka Anjam Jahanum Ho Ga.
Book Ref: AQwaL.E.Masomen(a.s)
17. Rasule Khuda (SAWW) Jiske dil me zarra baraabar bhi takabbur hoga, wo Jannat me daakhil nahi hoga.
Source : Children’s Guide to Islam
18. Rasule Khuda (SAWW) Be Shak Humara Shia Woh Hai Jo Humari Pervi Kary, Humary Naqsh-E-Qadam Par Chalay, aur Humara Kirdar Ko Apnaye,
Ref= Mizan Ul Hikma Jild 6
19.Hazoor S.A.W ne farmaya: Khuda ka zikr ibadat hai, Maira zikr ibadat hai, Ali ka zikr ibadat hai aur meri aulad men se imamon ka zikr ibadat hai
(ref#Â Manaqib-e-Ahlebait Hisa 1 Safha 126, Ikhtesas Shekh Mufeed, Bihaar 36/370).
20. Hazoor S.A.W ne farmaya:Har cheez ki aik bunyaad hoti hai aur Islam ki bunyad Hum Ahlebait ki muhabat hai
ref#(Imaali Suduq 161, Almahasin 286, Alkafi 46/20, Manaqib-e-Ahlebait Hisa 1 Safha 126)
**************************************************************************************************************
Note :Please do confirm things by yourself as well. This  is for spreading clean islamic knowledge. Please do not insult any religion or society. If you have any questions and quires feel free to ask. All  rules are applied here regarding blog , website etc. If  you have been reported or informed about any ilegal activity.Please inform the admins by sending them private messages.Link : http://hadispak.blogspot.com/2012/07/hadees-e-nabvi.html *********************************************************************************************************************
Saying Of Holy Prophet (SAW) About His Family
December 7th, 2012, posted in Saying Of Holy Prophet ( P.B.U.H)
1.Hazoor S.A.W. ne farmaya: Jab Adam se khata hui to unhon ne Toaba karney k liay kaha tha “Aey Khuda men tujh se sawal karta hun k Muhammad S.A.W aur un ki aal k huq k sadqey men mujhey maaf farmadey to Khuda ne unhen maaf kar dia tha aur jab Hazrat Nooh kashti men gharq honey se darey to kaha “Aey Khuda ba huq-e-Muhammad Wa Aal-e-Muhammad mujhey gharq honey se nijaat de†Khuda ne unhen nijat di aur jab Hazrat Ibraheem ko aag men daala gya to unhon ne kaha “Aey Khuda Muhammad Wa Aal-e-Muhammad k sadqey mujhey aag se nijaat de†to Khuda ne un ki aag ko sard kar dia aur jab Hazrat Moosa ne asaa maara aur darney lagey to kaha “Aey Khuda men tujhey Muhammad Wa Aal-e-Muhammad ka waasta daita hun k mujhey is khof o hiraas se nijaat ata farma†to Khuda ne farmaya “Mat dar kyun k tu hi buland o kaamyab hoga (Sura Taaha Ayat 6. (Mnaqibe Ahlebait Hisa 1 Safha 100, Imaali Shekh Sudooq 287 hadees 4 Majlis 39, Bihaar 16/366 hadees 72, Alahtajaj 1/54)
2. Hazoor S.A.W ne farmaya: Hussain jannat k darwazon men se aik darwaza hai jo bhi is ki mukhalifat karey ga Khuda ne is par jannat ki khushbu haram kardi hai (Manaqib-e-Ahlebait Hisa 1 Safha 124, Bihaar 35/405)
3. Hazoor S.A.W ne farmaya: Ahlebait ki muhabat k baghair imaan mukamal nahi hota aur ye Khuda Tabarak wa taala ka mujh se waada hai k Ahlebait k saath mutaqi momin k siwa koi muhabat nahi karey ga aur siwaey shaqqi aur munafiq k hamarey sath koi bhi dushmani nahi rakhey ga. Pus khush qismat hai wo shaks jis ne meri aolaad men se Aaima AS k saath naata jora.( Manaqib-e-Ahlebait Hisa 1 Safha 125, Bihaar 36/332, Kifatul Asar)
4. Hazoor S.A.W ne farmaya:Har cheez ki aik bunyaad hoti hai aur Islam ki bunyad Hum Ahlebait ki muhabat hai (Imaali Suduq 161, Almahasin 286, Alkafi 46/20, Manaqib-e-Ahlebait Hisa 1 Safha 126)
5. Hazoor S.A.W ne farmaya: Khuda ka zikr ibadat hai, Maira zikr ibadat hai, Ali ka zikr ibadat hai aur meri aulad men se imamon ka zikr ibadat hai (Manaqib-e-Ahlebait Hisa 1 Safha 126, Ikhtesas Shekh Mufeed, Bihaar 36/370)
6. Hazoor S.A.W ne farmaya: Is zaat k huq ki qasam jis ne mujhey risalat par mab’oos farmaya aur apni makhlooq se afzal qarar dia maira wasi aur janasheen tamam ausia se afzal hai aur wo Khuda ki taraf se is k bandon par hujjat aur makhlooq k darmayan us ka janasheen hai aur is k aulad se hidayat karney waley hen. In k waastey se Khuda ahle zameen se azaab ko door karta hai aur inhi k sabab se aasmaan ko zameen pe girney se mehfooz rakha hua hai magar is ki ijazat k saath. Inhi k sabab se bandon ko baaran-e-rehmat se sairaab karta hai. In k sabab se darakht, phul aur doosri bootiyan ugaata hai (Manaqib-e-Ahlebait Hisa 1 Safha 126, Ikhtesas Shekh Mufeed, Bihaar 36/370)
7. Hazoor S.A.W ne Sura Burooj Ayat 1 ki tilawat ki “is aasmaan ki qasam jo burjon wala hai†aur farmaya: Aasmaan se muraad men hun aur burjon se murad merey baad Aaema hen. In men se pehla Ali aur in ka akhir Mehdi hai (Manaqib-e-Ahlebait Hisa 1 Safha 126, Ikhtesas Shekh Mufeed, Bihaar 36/370)
8.Hazoor S.A.W.W ne farmaya: Beshak Ali, Sardaar ul Anbiya ki naikiyon me se aik naiki hai. (Manaqib-e-Ahlebait Hisa 1 Safha 147 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira, Shar ul Asmaa sfha 23)
9. Hazoor S.A.W.W ne farmaya: Agar kisi k paas Mera naam lya jaey aur wo mujh par darood na bhejay to Khuda usey jahanum men daakhil karey ga aur isey apni rehmat se door kar deta hai (Imaali Shekh Sudooq 676, Bihaar 49/94 Hadees 7, Manaqib-e-Ahlebait Hisa 1 Safha 152 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira).
10. Hazoor S.A.W.W ne farmaya: Agar meri ummat men se koi shaks mujh par darood bhejay aur meri aulaad ko bhi is men shamil karay to aasmaan k darwazey is par khol diay jaatey hen aur farishtey is par 70 martaba darood bhejtay hen agarcha wo buhat zida khatakaar aur gunahgaar kyun na ho is k sabab is k tamam gunah gir jaatey hen jaisay darakht k pattay girtay hen. (Imaali Shekh Sudooq 675 Hadees 18, Bihaar 56/94 Hadees 30, Manaqib-e-Ahlebait Hisa 1 Safha 154 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira).
11. Hazoor S.A.W.W ne farmaya: Jo koi bhi mujh par shoq aur muhabbat se 3 baar darood bhejay to wo is laaeq hota hai k Khuda us k din aur raat k gunahaon ko maaf farma daita hai (Bihaar 70/94 Hadees 63, Manaqib-e-Ahlebait Hisa 1 Safha 156 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira).
12. Hazoor S.A.W.W ne farmaya: Shaitan 2 tarah k hen, Aik jin se hai wo to La Hoala Wala Quwwata Ilaa Billah Hil Ali alzzeem k parhnay se bhaag jaat hai aur doosra Shaitan insan se hai aur wo Nabi aur un ki aal par darood bhejnay se bhaagta hai (Manaqib-e-Ahlebait Hisa 1 Safha 157 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira).
13. Hazoor S.A.W.W ne farmaya: Jo koi mujh par aik baar darood bhejta hai Allah us par aafiyat ka darwaza khol daita hai (Jaamiul Akhbar, Bihar 63/94, Manaqib-e-Ahlebait Hisa 1 Safha 157 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira)
14.Hazoor S.A.W.W ne farmaya: Qayamat k din meray nazdeek tareen shaks wo hoga jo mujh par sab se zyada darood bhejta hoga (Almustadraak, Manaqib-e-Ahlebait Hisa 1 Safha 157 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira)
15. Hazoor S.A.W.W ne farmaya: Men ne aalam e arwaah men apnay chacha Hamza aur bhai Jaffer ko buhat naimaton se maal a maal daikha. Unhon ne kaha k hum ne afzal tareen amal Aap S.A.W.W par darood, pyason ko paani pilana aur Ali Ibn e Abi Talib AS ki dosti ko paaya (Bihar 70/94, Manaqib-e-Ahlebait Hisa 1 Safha 157 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira)
16. Hazoor S.A.W.W ne farmaya: Mairaj ki raat baarish, khuski aur tari men paani k qatron ko shumaar karnay waaley farishtay ne mujh se kaha k men har cheez ka hisab kar sakta hun magar jab aik garoh mil kar Aap S.A.W.W par darood bhejta hai to men is k sawab ka shumar nahi kar sakta (Tafseer e Abul Fatooh, Al Mustadraak, Manaqib-e-Ahlebait Hisa 1 Safha 157 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira)
17. Hazoor SAWW ne farmaya: jo koi apni tehreer men mujh par darood parhnay ka tazkira karay ga to jab tak mera naam uss tehreer men baaqi rahay ga farishtay is k liay astaghfaar kartay rahain gay (ALQATRAT O MIN BIHAAR E MANAQIB E ALNABI WAL ITRAT Ayatullah Ahmad Mustanbaat Quds Sira Tarjuma Manaqib e Ahlebait Hisa 1 sfha 171).
18. Hazoor SAWW ne hazrat Ali AS ko galay laga kar chehray ko bosaa diya aur farmaya: Meray Maa’n baap qurban is par jis k zariyay se khuda ne meray baazoo ko taaqat di jaisay k Moosa k baazu ko Haroon k zariyay se taaqatwar kiya (Bihaar, Tafseer e Burhaan, ALQATRAT O MIN BIHAAR E MANAQIB E ALNABI WAL ITRAT Ayatullah Ahmad Mustanbaat Quds Sira Tarjuma Manaqib e Ahlebait Hisa 1 sfha 176).
19. Hazoor SAWW ne farmaya: Jo Ali ko dost rakhay wo qayamat k din anbiya k saath mahshoor hoga aur in k darjaat men qaraar paaey ga aur Jo Ali k saath dushmani rakhtay huay is dunya se jaaey ga is ki koi parwaah nahi hai k wo is dunya se yahoodi maray ya nasraani maray (Ayun e Akhbar e Raza Shekh Suduq , Bihaar, ALQATRAT O MIN BIHAAR E MANAQIB E ALNABI WAL ITRAT Ayatullah Ahmad Mustanbaat Quds Sira Tarjuma Manaqib e Ahlebait Hisa 1 sfha 180)
20. Hazrat Muhammd S.A.W ne farmaya: Jab qayamat ka din hoga to aik munadi awaz daiga k “Zainul Abideen†kahan hain. Main apne farzand Ali ibn hussain ibn Ali Ibn Abu Talib ko daikh raha hun k ahl-e-mehshar ki safon ko cheertay aur jhoomtey huay aa rahey hen.
(Bihar Safha 9 Hisa 6 Dar Halaat Imam Zainul Abideen AS, Alal Sharae Safha 87, Imali Shaikh Sudooq Safha 331,) .
**************************************************************************************************************
Note :Please do confirm things by yourself as well. This  is for spreading clean islamic knowledge. Please do not insult any religion or society. If you have any questions and quires feel free to ask. All  rules are applied here regarding blog , website etc. If  you have been reported or informed about any ilegal activity.Please inform the admins by sending them private messages.Link : http://hadispak.blogspot.com/2012/07/1.html *********************************************************************************************************************