Aye meray dil kisi say bhi shikwa na kar, aap bulandi pay tera sitara nahin
Ghair ka zikr kia, ghair phir ghair hai, jo hamara tha woh bhi hamara nahin
Aye meray ham nasheen chal kahin aur chal haaye, is chaman main ab apna guzara nahin
Aye meary ham nasheen chal kahin aur chal, is chaman main ab apna guzara nahin
Baat hoti guloon tak to seh laitay hum, ab to kantoon pay bhi haq hamara nahin
Aye meray ham nasheen
Di sada daar par, aur kabhi toor par, kis jagah mainay tumko pukara nahin
Thokrain yon khilanay say kia faida, saaf keh do kay milna gawara nahin
Aye meray ham nasheen
Aaj aaye ho tum kal chalay jao gey, yeh mohabbat ko apni gawara nahin
Umr bhar ka sahara bano to bano haaye, do ghari ka sahara, sahara nahin
Umr bhar ka sahara bano to bano, do ghari ka sahara, sahara nahin
Aye meray ham nasheen
Gulsitaan ko laho ki zaroorat pari, sab say pehlay hi gardan hamari kati
Phir bhi kehtay hain mujh say, yeh ahl-e-chaman haaye, yeh chaman hai hamara, tumhara nahin
Phir bhi kehtay hain mujh say, yeh ahl-e-chaman, yeh chaman hai hamara, tumhara nahin
Aye meray ham nasheen
Zaalimo apni kismat pay nazaan na ho, dor badlay ga, yeh waqt ki baat hai
Woh yakeenan sunay ga sadayen meri, kia tumhara khuda hai hamara nahin!
Bye meray ham nasheen chal kahin aur chal, is chaman main ab apna guzara nahin
Baat guloon tak to seh laitay hum, ab to kantoon pay bhi haq hamara nahin
Aye meray ham nasheen
Singer: Munni Begum
